Description
🔸 مینا مال؛ چرایا مالا ئەڤینداران
«مینا مال»، پرتووکا پێک ھاتی ژ دومالکێن کوردی یێن ئەلیرزا سپاھی لایین (ھەلبەستڤانێ کورد یێ خۆراسانێ) ژ ھێلا وەشانا مادیارێ ڤا ھاتە وەشاندن.
دومالک (دوبێیتی)، یەک ژ فۆرم و شێوەیێن ستراندنا ھەلبەستێیە کو ب بۆنا ھێژاتی و باندۆرا خوەیا ھەستی و زەوقی، د ناڤا گەلێ کورد دا ھەرتم ب گەرمی ھاتییە پێشوازی کرن.
شیانا قالبا دومالکێ ژ بۆ ڤەگۆتنا ئێش و ئەڤین و ھەستێن ئینسانی، بوویە سەدەما گەش و خوەش بوونا ڤێ جوورە ھەلبەستێ.
ئەڤ رەوشا تایبەتا وێژەیی، دل و دەلیل دایە سپاھی لایین دا سەر ڤێ قالبا خوەشک راوەستە و ھەستێن خوە ب ریا دومالکێن کوردی بینە سەر زمێن.
مینا مال، نیشان و بەیانا ڤێ ھەست و ھالێیە و تێ واتەیا مال و ھالەکا کوردانە. ناڤەک ب دو مەبەستان؛ تێکلداری فۆرم و واتەیا دومالکێ و میناکا مالێن کوردان.
کۆمھەلبەستا «مینا مال» ب رێنڤیسا ئارامیا کوردی و واتەیێن فارسی، ژ ٣٣٠ دومالکان پێک ھاتییە و دکارە ھالێ دلێ کەسێن کو پرتووکێ دخوینن، خوەش بکە.
