توضیحات
📚کتێب: مەسەلەی ویژدان | ساڵی بڵاوبوونەوه: 1935
💎مژار: چیرۆک
📝 نووسەر : ئەحمەد موختار جاف | Ahmed Mukhtar Jaff | احمد مختار جاف | (1896-1935)
🖨وەشانخانە: مادیار
مەسەلەی ویژدان، بەسەرهاتی پڕ لە ئازار و ئەشکەنجەی لەدەستچوونی ویژدانی ئادەمیزادێکی ساکارە لە کۆمەڵێکدا کە ویژدان بە لایەوە هەر بۆ ناوە و نرخ و بوونی نییە. بۆ مەبەستی شیکردنەوەی ناتەواوی و زوڵم و زۆری کۆمەڵایەتی، نووسەر پاڵەوانەکەی زۆر باش هەڵبژاردووە. «زۆرابە فەندی» لە خێزانێکی هەژاردا بێ دایک و باوک پەروەردە بووە، نیمچەخوێندەوارێکە تازە دەستی گەیشتووەتە پارەی مووچەخۆری، خاوەنی بیروباوەڕێکی تایبەتی نییە، سەرمایەکەی تەنیا ساکاری و ڕاستگۆیی خۆیەتی. لە سەرەتادا بە تایبەتی پێش ئەوەی ببێت بە مووچەخۆر، ساویلکە و بێ فڕوفێڵ لە هەموو شوێنێکی کە ئیشی تیا دەکات بەدوای ویژداندا دەگەڕێت و خول دەخوات. بەڵام بێهوودە، لە دواییدا ناکۆکییەکی بەتین پەیدا دەبێت لە نێوان ویژدان و پاکیەتیی ئەمدا و ساختەبازی و بێویژدانیی ئەو دەستەوبەرەیەی دەکەوێتە ناویەوە. کاکڵی چیرۆکەکە پیشاندانی ئەم ناکۆکییەیە.
لە پێشەکیی د. ئیحسان فوئاد
له کۆمەڵە بەرهەمی « حەوتەوانەی زێڕین و دێرین»
