Description
📚ناوی کتێب: بوون و کات
Being and Time, Book by Martin Heidegger
💎مژار: فەلسەفە
📝 نووسەر: مارتین هایدگێر
🖊وەرگێڕ: کامەران نیک پەی
🖨وەشانخانە: مادیار
“بوون و کات” بە گەورەترین بەرهەم و شاکاری فەلسەفی سەدەی بیست دادەندرێت.
گرینگرتین ڕێباز و قوتابخانەکانی هاوچەرخ وەکوو ئیگزیستانسیالیسم، پێکهاتەبەزێنی، یەزدانناسی نوێ، هێرمێنۆتیک، تیۆرییەکانی ڕەخنەی ئەدەبی و هونەری، دەروونشیکاری، زۆربەی زانستەکانی مرۆڤی، بەرەوپێشەوە بردنی دیاردەناسی ئێدمۆند هوسێرل و هەروەها بیرمەند و فەیلەسووفانێکی
وەکوو گادامێر، ئارێنت، لاکان، سارتر، دێریدا، فۆکۆ و… لەژێر کاریگەری قووڵی ئەم کتێبەدا
بوون.
مێژووی مێتافیزیک و ڕۆژاوا مێژووی لەبیرکردن و بەهێندنەگرتنی چەمکی بوونە،
بەڵام “بوون و کات” بەهێزترین بنەماکانی ئەم نەریتەی لێک هەڵوەشاند و بە چوونەوە بۆ سەرەتاکان بوێرانە شۆڕشێکی گەورەی دەست پێکرد و شێوازێکی نوێی بۆ بیرکردنەوە ئاراستە کرد.
“بوون و کات” بە قووڵی ئاوڕ لە قەیرانە سەرەکییەکانی جیهان وەک نیهیلیزم، بێ هیوایی و نەبوونی پەیوەندی نێوان مرۆڤەکان دەداتەوە و بەدوای زیندووکردنەوە و دۆزینەوەی واتاییەکی نوێ دایە، دەیهەوێت دەلاقەیەکی نوێ لە سەردەمانی لەدەستدانی زمان لە غەریبی و لانەوازیدا بەرەو ئاسۆیەکی ڕوون بکاتەوە. بۆیە ئەم کتێبە شایانی بەهێندگرتن، ئاوڕلێدانەوە، خوێندنەوە و تێڕامانێکی قووڵە.
